قهوة وطن....

موضوع: قهوة وطن.... الإثنين سبتمبر 01, 2008 3:14 am

فصيل وجبهة وحركة تحررية
وحزب وكتائب ومجموعة نضالية
شرذمة ألقاب كلها عنجهية
قسموا الوطن باسم الوطن
وصار الوطن مسرح فتن
عقول وأفكار غربية عسرمدية
وترجمة الواقع أفعال صبيانية
أسماء مجرد أسماء وصولية
وأعلام ....
ما أنت عارف يا أخي
تقول أعلام جاهلية
مرة توحدوا بس شو
وحدة وطنية كل دقيقة ضحية
فكوا كل الخلافات
وما بقي إلا السلامات
ورجعنا عالبلد
لنشوف بلد غير البلد
جرحي وقتلي وإصابات استئصاليه
هذه كلها شروط الاتفاقية
تقسيم المناصب ودبكة فلكلورية
وابتسامة للشاشة وتصريح للعربية
وغدا وعشا واكسبنا والله
أحلام في أحلام عصفورية
والشعب ضايع بأوهام سرابية
أبصر مين ابنه مات يالله نقوم بالواجب
وإحنا الشعب كل مات ما اهتز الحاجب
زعلان ازعل أنا ما بتغزل
هذه حقيقة مصفوفة ما بتأجل
أبطالها اخويا وأخوك وابني وبنتك
رسموا للأجيال الجاية المستقبل
وأي مستقبل طمع وحقد ما بيذبل
واسم الوطن كبر بالعمر وترهل
وصارت ثقافتنا نفي الأخر
وبالغلط والسب صرنا نتفاخر
والعالم بضحك وإحنا بنضحك
واحتلال بدبابته بتفلك
اجتياح وحصار وانتهاك ودمار
ولسا بنقول في دولة يا صناع القرار
بكفي عاد بكفي.. توحدوا
مرة غزة ومرة الضفة ومرة عرب 48
كلنا يا جماعة من فلسطين
افهموا كلنا من فلسطين

الرفيق .. اليساري الاحمر...